Адам есею үшін екі маңызды дүниені бастан өткеруі тиіс

Адам есею үшін екі маңызды дүниені бастан өткеруі тиіс. Көңіл қалу мен мойынсұну. 

Өз қиялыңнан, ұлылықтан, шексіздіктен, мәңгіліктен, абсолютті таңдаудан, елдің бәріне ұнасам ғой деген ықыластан көңіл қалады. 

Мойынсұну - өзіңнің ауада ілініп тұрмағаныңды, елдің бәрінен артық болмайтыныңды қабылдау. Болып жатқан дүниенің бәрін түсіну, сенің өміріңде өзге адамдардың да болуы заңдылық екенін мойындау. 

Осы екі дүниені адам неғұрлым ертерек түсінсе, соғұрлым қарапайым бақыттың не екенін түсінеді. Бүкіл әлемді жаулап алуды міндеттейтін бақыт емес. Жай ғана қарапайым қолмен жасалатын шын бақыт. Күллі ғаламды қамтитын емес, ақырғы, нақты әрі өте қарапайым бақыт.

Аглая Датешидзе
Аударған Шынар Әбілдә