Арал маңынан 70 млн жыл бұрын өмір сүрген динозавр сүйегі табылды
Словакия палеонтологтары Арал маңынан 70 млн жыл өмір сүрген көне жануарлардың қалдықтарын тапқан. Арасында кішігірім динозаврдың сүйегі де бар...
Словакия палеонтологтары Арал маңынан 70 млн жыл өмір сүрген көне жануарлардың қалдықтарын тапқан. Арасында кішігірім динозаврдың сүйегі де бар.
Динозавр қалдықтары Арал маңындағы Қарақалпақстаннан табылған. Бұл жөнінде Қарақалпақстан ғылыми-зерттеу инстутының жетекшісі Ізет Айымбетовке сүйенген UzA агенттігі хабарлады.
Ғалымның сөзінше, 2023 жылы қыркүйекте словакиялық палеонтологтар Арал маңындағы бірқатар аудандарға зерттеу жүргізіп, «теңдессіз олжаға» кенелген.
«Олардың арасында суда өмір сүрген шағын денелі динозаврдың да сүйегі бар. Ғалымдар өз елдеріне кетіп, биыл сәуірдің басында Қарақалпақстанға қайта оралды. Зерттеулерін жалғастырып, Үстірт шоқысынан динозаврдың іздерін тапты» деді ол.
Ғылым академиясы қызметкерлерінің сөзінше, динозаврдың іздері геологиялық процестер нәтижесінде тасқа айналған, сондықтан ғалымдар қазір тастағы іздерді терең тексеріп жатыр.
«Дала жұмыстары нәтижесінде табылған динозаврдың баласының сүйегіне көбі қызығып жатыр. Палеонтологтардың айтуынша, сирек кездесетін мұндай сүйектер әзірге АҚШ, Румыния, Қытай және Қарақалпақстанда ғана табылған. Қазір беделді журналдарға осы дала зерттеуінің нәтижесіне арналған үш ірі мақала әзірленіп жатыр» деді Ізет Айымбетов.
Оның сөзінше, ғалымдар бұдан бөлек сирек кездесетін сүйектер тапқан. Өзбекстан ғалымдары оларды талдай алмағандықтан словакиялық ғалымдар оларды өз елінде зерттеу үшін алып кеткен.
Экспедицияның екінші кезеңіне қатысу үшін Франциядан да алымдар келген. Олар Үстірт шоқысы, Қаратоғ, Нөкіс, Тахиаташ аудандарынан сирек кездесетін сүйектер тапқан. Жануарлардың сүйектері қазір ғылым академиясының қарақалпақ бөлімінде сақталып тұр.
Ақпаратқа қарағанда, екі экспедиция барысында табылған сүйектер 70 млн жыл бұрын өмір сүрген жануарлардың сүйектері. Олардың көмегімен ғалымдар Жер тарихын зерттейді.
Ақпарат көзі: aqmeshit-aptalygy.kz
Фото: aqmeshit-aptalygy.kz
What's Your Reaction?
Liondaa
Liondaa - пайдаланушыларға саясат, экономика, мәдениет, спорт, технология, ғылым және қоғамдағы өзекті оқиғалар туралы жедел, сенімді жаңалықтар ұсынады. Сайттың мақсаты – оқырмандарға толыққанды ақпарат беру және әртүрлі салалардағы жаңалықтарды бір жерден табуға мүмкіндік жасау.
